بعد أسبوع تقدم لها شابان في نفس الوقت

6:33 م

العزة لله ولرسوله

بسم الله الرحمن الرحيم

قبل تقدم لي كذا شخص وسبحان الله مايصير نصيب .. لا أنسى تلك الفتره التي مرت علي كان وقتها قد بدأت الاجازه الصيفيه واخواتي كن عندنا وسهر وضحك وسوالف فجاء في بالي .قلت الآن انا سهرانه معهم وكله على الفاضي .. لماذا لا اصلي واستغل هالوقت في الدعاء ان يرزقني الله الزوج الصالح وييسر له وفعلا صرت اسهر معاهم وعند الساعه 2 ونص او 3 اذهب لافرش سجادتي واصلي وادعي بكل اللي خاطري فيه

( ربنا هب لنا من ازواجنا وذرياتنا قرة اعين واجعلنا للمتقين اماما )

(ربي لا تذرني فردا وانت خير الوارثين )

( ربي اني لما انزلت الي فقير )

وكل اللي نفسك وخاطرك فيه ادعيه وكنت اصليه ثلاث ركعات الثالثه اوتر بعدها استغفر 1000 مره ... تخيلو مده اسبوع وانا كذا

تصدقون بالله تقدم لي شابان في نفس اللحظه وصارت منافسه ومشاكل كي اوافق على الآخر . سبحان الله والله انه شي غريب .. طبعا وافقت على واحد منهم بعد ما ارتحت له وهو الان زوجي والحمد الله كل اللي دعيته وجدت فيه من فضل ربي طيب وحنون ويخاف الله فيني ويلبي طلباتي واهله ناس طيبين ولا فكرت في يوم او حلمت اني اكون عندهم .